Piliriassangit Titiraqsimajut

Taakkua Kuip Kiggaqtuijikkungit (PPSC) turaagangit pijittiraqtut kikkutuinnait pijumajanginni ikajurlutillu Kanatami attanaqtumiiqunagit kamagijauttiarlutillu imaak:

• Kiggaqtuilutit kuip kiggaqtuijingit taimailluatittilutik, turaaganginnillu immikkuuqtunillu, paqqittiinnarlutit pijunnautinginni immikkuuqtulimaat; ammalu
• Kisutuinnait asijjirialiit aturlugit ikajuqturlugit pirajattulirinirmit kamagijauttiarlutit naammattumit taimailluaqtitaulutillu

Uppirijait

Pimmariugijavut tukimuaktittinirmut niriugijaujunut iliqqusirijaujunut qanuiliurutinullu iqqanaijaqtilimaanut PPSC−mi. taimanna kanatamiut niriugunnaqtut uvattinnik. ammalukkanniqtauq, tamarmittiaq iqqanaijaqtiit PPSC−mi pijaksaqaqput kajusitittinirmik iqqanaijarvingmi inigijaunajaqtumik kikkutuinnattiat nangminiq qujagijaujunnaqłutik sannginiqaqłutiglu ikajuriaksaq.

Niqtuiniq

Pijumattiaqtugut pittialuktaarlugit inuit kikkulimaat ajjigiinikkut, ippiginnarniq, ammalu nagligusunniq kikkulimaat piviksaqarmata niqtuqtaunirut.

Uppirusunniq

Iqqanaijaaqtugut pijumaniarlugit uppirusunniq iqqanaijaqatigijavut ammalu nunalimi pijittiraqtavut. Pijjutigijavut qanuq uqausirijattinnik ammalu qanuiliuritigijattinnit.

Qaujimajimmariuniq

Atusuungujugut qaujimajattinit, ajunngijjutiksavut, ilisimajavut, ammalu iqqaqtuiniq akaunaarniriniarlugit. Qaujimanirijavut, qanuinngittiarniq malillugit tunngavvigijaujut ammalu isumaksaqsiuttiarniq qaujimanikkut ammalu ilisimanikkut. Aulasuungujugut atausikkut iqqanaijaaqtuta aulattititniarlugit ammalu qanuinngittiarniq sungiutinirmut asinnguqtunut. Kajusiinnaqtugut aksuruqtuta ilinirmut ammalu qimirruarniq piuniqsanit kamaginiarlugit piliriassavut.

Pijunarniq aksururnaqtunut

Isumaksaqsiunguujugut aksururnaqtunit qaujitittiniq naamattiaqtukkut ammalu iqqaqtuiniq. Uqautisuurijavut piunngittukkut iliqqusiqaqtut uvagullu. Nangisuungujugut akaunngiliurutaujunit, pittaqtaunngittunut, ammalu akiraqtuqtunit.

Ajjigiiniq ammalu ilagijauniq

Pijimajugut tunisiluta pijaraktumut iqqaqtuinirmut aaqqiksimajunit pillariujukkut pijittirarlugit kikkutuinnait pijumajanginnit. Ujjirusukktugut qanganitait pittiaqsimanngittunit ammalu pijumajaqaqtugut nungutigiarlugit aaqqiksimajut ammalu unataanuaqtut-uqausirijaujut nunaqaqqaaqsimajut, allait, inuit, qirniqtualuit, ammalu usumagijauluanngittut inuit nunalimiutait. Qimirruaqattaqtugut ajjigiinnikkut, pivikksaqaqtittiniq, ikajuqsuiniq, ammalu ilagijautittiniq aaqqiktausimajukkut. Sanngiliqtittijugut inunnit ajjigiingittunit itarnilirinikkut, uppirijaujut, iliqqusirijaujut, pijunnautit ammalu isumakkut aulatittinikkut.

Pijumaniq saimaqatigiiniq

Ujjirusuktugut qanganitait ammalu kajusijut akaunngiliurutaujut sapummilugit inuujut, pimmariujut, ammalu iliqqusirijaujut nunaqaqqaaqsimajut inuit kanatami. Qimirruaqtugut saimaqatigiinnirmit ajjigiinngitut pimmariujut kanatami pirajaktut iqqaqtuilirinirmut aaaqqiksimajut taikkununga nunaqaqqaasimajut inuit kanatami. Turaagijavut aaqqigiarlugit ikajuqtigiinnirmut tusagaksaujinit tamakkinnut amisuit nunaqaqqaaqsimajut inuit pirajaktunut-iqqaqtuilirinirmut aaqqiksimajunit ammalu amisuuluaqtunit ninngaksimajut nunaqaqqaasimajunut inuit; piluaqtugu nunaqaqqaasimajut arnai ammalu niviaqsiat.