Notre mission et valeurs - Inuktitut (syllabiques)
ᐱᓕᕆᐊᔅᓴᖏᑦ ᑎᑎᕋᖅᓯᒪᔪᑦ
ᑖᒃᑯᐊ ᑯᐃᑉ ᑭᒡᒐᖅᑐᐃᔨᒃᑯᖏᑦ (PPSC) ᑐᕌᒐᖏᑦ ᐱᔨᑦᑎᕋᖅᑐᑦ ᑭᒃᑯᑐᐃᓐᓇᐃᑦ ᐱᔪᒪᔭᖏᓐᓂ ᐃᑲᔪᕐᓗᑎᓪᓗ ᑲᓇᑕᒥ ᐊᑦᑕᓇᖅᑐᒦᖁᓇᒋᑦ ᑲᒪᒋᔭᐅᑦᑎᐊᕐᓗᑎᓪᓗ ᐃᒫᒃ:
- ᑭᒡᒐᖅᑐᐃᓗᑎᑦ ᑯᐃᑉ ᑭᒡᒐᖅᑐᐃᔨᖏᑦ ᑕᐃᒪᐃᓪᓗᐊᑎᑦᑎᓗᑎᒃ, ᑐᕌᒐᖏᓐᓂᓪᓗ ᐃᒻᒥᒃᑰᖅᑐᓂᓪᓗ, ᐸᖅᑭᑦᑏᓐᓇᕐᓗᑎᑦ ᐱᔪᓐᓇᐅᑎᖏᓐᓂ ᐃᒻᒥᒃᑰᖅᑐᓕᒫᑦ; ᐊᒻᒪᓗ
- ᑭᓱᑐᐃᓐᓇᐃᑦ ᐊᓯᔾᔨᕆᐊᓖᑦ ᐊᑐᕐᓗᒋᑦ ᐃᑲᔪᖅᑐᕐᓗᒋᑦ ᐱᕋᔭᑦᑐᓕᕆᓂᕐᒥᑦ ᑲᒪᒋᔭᐅᑦᑎᐊᕐᓗᑎᑦ ᓈᒻᒪᑦᑐᒥᑦ ᑕᐃᒪᐃᓪᓗᐊᖅᑎᑕᐅᓗᑎᓪᓗ.
ᐅᑉᐱᕆᔭᐃᑦ
ᐅᑯᐊ ᐊᑑᑎᖃᕐᓂᕗᑦ ᐱᔨᑦᑎᕋᖅᖢᑕ ᑐᑭᒧᐊᒍᑎᐅᓗᑎᒃ ᓂᕆᐅᓇᖅᑐᑦ ᐃᓕᖁᓯᕆᔭᖏᓐᓄᑦ ᐊᒻᒪᓗ ᖃᓄᐃᓕᐅᕈᓯᖏᓐᓄᑦ ᑕᒪᐃᓐᓄᑦ ᐃᖅᑲᓇᐃᔭᖅᑎᓄᑦ ᑕᕝᕙᓂ ᒐᕙᒪᒃᑯᑦ ᐃᖅᑲᖅᑐᐃᕕᖕᒥ ᐃᑲᔪᖅᑎᖓᑦ ᑲᓇᑕᒥ. ᐅᓇ ᑲᓇᑕᒥᐅᓂᑦ ᑕᐃᒪᓐᓇ ᓂᕆᐅᒋᔭᐅᒐᑦᑕ. ᑕᐃᒪᓐᓇᐅᓂᖓᓄᑦ, ᑕᒪᕐᒥᒃ ᒐᕙᒪᒃᑯᑦ ᐃᖅᑲᖅᑐᐃᕕᖕᒥ ᐃᑲᔪᖅᑎᖓᑦ ᑲᓇᑕᒥ ᐃᖅᑲᓇᐃᔭᖅᑎᖏᑦ ᐃᓂᖃᖅᑐᑦ ᓴᕿᑦᑎᓯᒪᓗᑎᒃ ᐊᕙᑎᑦᑎᓂᒃ ᑕᒪᕐᒥᒃ ᐃᓄᒃ ᐃᓅᔾᔪᓯᖅᑎᒃ ᐊᑐᕐᓗᒋᑦ ᐃᖅᑲᓇᐃᔭᕆᐊᕐᓗᑎᒃ ᐊᒻᒪᓗ ᐃᒃᐱᒍᓱᒡᓗᑎᒃ ᐊᓐᓂᕐᓇᖅᑑᖕᒪᑕ ᐊᑑᑎᖃᖅᑑᖕᒪᑕ ᐊᒻᒪᓗ ᓴᖕᖏᓂᖃᖅᑐᑦ ᐃᑲᔪᕐᓂᖏᑦ.
ᓂᖅᑐᐃᓂᖅ
ᐱᔪᒪᑦᑎᐊᖅᑐᒍᑦ ᐱᑦᑎᐊᓗᒃᑖᕐᓗᒋᑦ ᐃᓄᐃᑦ ᑭᒃᑯᓕᒫᑦ ᐊᔾᔨᒌᓐᓂᒃᑯᑦ, ᐃᑉᐱᒋᓐᓂᐊᕐᓂᖅ, ᐊᒻᒪᓗ ᓇᒡᓕᒍᓱᓐᓂᖅ ᑭᒃᑯᓕᒫᑦᐱᕕᒃᓴᖃᕐᒪᑕ ᓂᖅᑐᖅᑕᐅᓂᕐᒧᑦ.
ᐅᑉᐱᕈᓱᓐᓂᖅ
ᐃᖅᑲᓇᐃᔮᖅᑐᒍᑦ ᐱᔪᒪᓂᐊᕐᓗᒋᑦ ᐅᑉᐱᕈᓱᓐᓂᖅ ᐃᖅᑲᓇᐃᔭᖃᑎᒋᔭᕗᑦ ᐊᒻᒪᓗ ᓄᓇᓕᒥ ᐱᔨᑦᑎᕋᖅᑕᕗᑦ. ᐱᔾᔪᑎᒋᔭᕗᑦ ᖃᓄᖅ ᐅᖃᐅᓯᕆᔭᑦᑎᓐᓂ ᐊᒻᒪᓗ ᖃᓄᐃᓕᐅᕈᑎᒋᔭᑦᑎᓐᓂᑦ.
ᖃᐅᔨᒪᔨᒻᒪᕆᐅᓂᖅ
ᐊᑐᓲᖑᔪᒍᑦ ᖃᐅᔨᒪᔭᑦᑎᓐᓂᑦ, ᐊᔪᙱᔾᔪᑎᒃᓴᕗᑦ, ᐃᓕᓯᒪᔭᕗᑦ, ᐊᒻᒪᓗ ᐃᖅᑲᖅᑐᐃᓂᖅ ᐊᑲᐅᓈᕐᓂᕆᓂᐊᕐᓗᒋᑦ. ᖃᐅᔨᒪᓂᕆᔭᕗᑦ, ᖃᓄᐃᙱᑦᑎᐊᕐᓂᖅ ᒪᓕᓪᓗᒋᑦ ᑐᙵᕝᕕᒋᔭᐅᔪ ᐊᒻᒪᓗ ᐃᓱᒪᒃᓴᖅᓯᐅᑦᑎᐊᕐᓂᖅ ᖃᐅᔨᒪᓂᒃᑯᑦ ᐊᒻᒪᓗ ᐃᓕᓯᒪᓂᒃᑯᑦ. ᐊᐅᓚᓲᖑᔪᒍᑦ ᐊᑕᐅᓯᒃᑯᑦ ᐃᖅᑲᓇᐃᔮᖅᑐᑕ ᐊᐅᓚᑦᑎᑦᑎᓂᐊᕐᓗᒋᑦ ᐊᒻᒪᓗ ᖃᓄᐃᙱᑦᑎᐊᕐᓂᖅ ᓱᖏᐅᑎᓂᕐᒧᑦ ᐊᓯᙳᖅᑐᓄᑦ. ᑲᔪᓰᓐᓇᖅᑐᒍᑦ ᐊᒃᓱᕈᖅᑐᑕ ᐃᓕᓂᕐᒧᑦ ᐊᒻᒪᓗ ᕿᒥᕐᕈᐊᕐᓂᖅ ᐱᐅᓂᖅᓴᓂᑦ ᑲᒪᒋᓂᐊᕐᓗᒋᑦ ᐱᓕᕆᐊᔅᓴᕗᑦ.
ᐱᔪᓐᓇᕐᓂᖅ
ᐊᒃᓱᕈᕐᓇᖅᑐᓄᑦ
ᐃᓱᒪᒃᓴᖅᓯᐅᓲᖑᔪᒍᑦ ᐊᒃᓱᕈᕐᓇᖅᑐᓂᑦ ᖃᐅᔨᑎᑦᑎᓂᖅ ᓈᒻᒪᑦᑎᐊᖅᑐᒃᑯᑦ ᐊᒻᒪᓗ ᐃᖅᑲᖅᑐᐃᓂᖅ. ᐅᖃᐅᑎᓲᖑᔪᒍᑦ ᐱᐅᙱᑦᑐᒃᑯᑦ ᐃᓕᖅᑯᓯᖃᖅᑐᑦ ᐅᕙᒍᓪᓗ. ᓇᖏᓲᖑᔪᒍᑦ ᐊᑲᐅᙱᓕᐅᕈᑕᐅᔪᓂᑦ, ᐱᑦᑎᐊᖅᑕᐅᙱᑦᑐᓄᑦ, ᐊᒻᒪᓗ ᐊᑭᕋᖅᑐᖅᑐᓂᑦ.
ᐊᔾᔨᒌᓐᓂᖅ ᐊᒻᒪᓗ
ᐃᓚᒋᔭᐅᓂᖅ
ᐃᑲᔪᕈᒪᕗᒍᑦ ᐱᕋᔭᒃᑐᓕᕆᓂᕐᒧᑦ ᐃᖅᑲᖅᑐᐃᔪᓕᕆᔨᒃᑯᑦ ᐱᓕᕆᔾᔪᑎᖓᑦ ᐱᔨᑦᑎᕋᑦᓯᐊᕐᓗᓂ ᑭᒃᑯᑐᐃᓐᓇᐃᑦ ᐱᔪᒪᔭᖏᓐᓂᒃ. ᐃᓕᓴᕆᔭᕗᑦ ᑭᖑᓂᑦᑎᓐᓂ ᑲᑕᒃᑎᑦᑎᓯᒪᓂᖅᐳᑦ ᐊᒻᒪᓗ ᐊᒃᓱᕈᕐᓂᐊᖅᑐᒍᑦ ᐲᖅᑕᐅᓗᓂ ᖃᓄᐃᓕᐅᕈᓯᑦ ᐃᓅᖃᑎᒥᖕᓄᑦ ᐊᑭᕋᖅᑐᕈᓯᑦ ᐊᒻᒪᓗ ᑭᒡᒐᖅᑐᐃᓗᐊᕐᓂᖅ ᓄᓇᖅᑲᖅᑳᖅᓯᒪᔪᓂᒃ, ᐊᓪᓚᓂᒃ, ᐊᓪᓚᐃᖓᔪᓂᒃ, ᐃᓄᖕᓂᒃ, ᕿᕐᓂᖅᑕᓂᒃ, ᐊᐅᖃᑎᒌᓐᖏᑦᑐᓂᑦ ᐱᑦᑎᐊᖅᑕᐅᕙᓐᖏᑦᑐᓂᒃ, ᐊᒻᒪᓗ ᑭᑭᑕᐅᖃᑦᑕᖅᑐᓂᒃ ᐱᕋᔭᒃᓯᒪᔪᓕᕆᓂᕐᒥ ᐃᖃᖅᑐᖅᑕᐅᔪᓕᕆᓂᕐᒥ ᐱᓕᕆᔾᔪᓯᕆᔭᐅᔪᑎᒍᑦ. ᕿᓂᖅᐳᒍᑦ ᐃᓚᐃᓐᓈᓐᖏᑦᑐᓂᒃ, ᐊᑐᖅᑕᐅᔪᓐᓇᖅᑐᓂᒃ, ᐃᓂᖃᖅᑎᑦᑎᔪᓂᒃ, ᐊᒻᒪᓗ ᐊᓯᒧᑦ ᒪᒃᐱᒐᑦᑎᐊᕐᓂᕐᒧᑦ ᓴᓇᔾᔪᑎᒃᓴᓂᒃ. ᓴᖕᖏᒃᑎᒋᐊᖅᑎᑕᐅᓯᒪᕗᒍᑦ ᐃᓄᖕᓂᑦ ᐊᔾᔨᒌᓐᖏᑦᑐᓂᒃ ᐃᓚᖃᕐᓂᑯᑦ, ᐅᒃᐱᕆᔭᒃᑯᑦ, ᐱᐅᓯᑐᖃᒃᑯᑦ, ᐊᔪᖏᑦᑕᑦᑎᒍᑦ, ᐊᒻᒪᓗ ᑐᑭᓯᑎᑦᑎᖃᑦᑕᕐᓂᒃᑯᑦ.
ᐱᔪᒪᓂᖅ ᓴᐃᒪᖃᑎᒌᓐᓂᖅ
ᐅᔾᔨᕈᓱᒃᑐᒍᑦ ᖃᖓᓂᑕᐃᑦ ᐊᒻᒪᓗ ᑲᔪᓯᔪᑦ ᐊᑲᐅᙱᓕᐅᕈᑕᐅᔪᑦ ᓴᐳᒻᒥᓗᒋᑦ ᐃᓅᔪᑦ, ᐱᒻᒪᕆᐅᔪᑦ, ᐊᒻᒪᓗ ᐃᓕᖅᑯᓯᕆᔭᐅᔪᑦ ᓄᓇᖃᖅᑳᓯᒪᔪᑦ ᐃᓄᐃᑦ ᑲᓇᑕᒥ. ᕿᒥᕐᕈᐊᖅᑐᒍᑦ ᓴᐃᒪᖃᑎᒌᓐᓂᕐᒥᑦ ᐊᔾᔨᒌᙱᑦᑐᑦ ᐱᒻᒪᕆᐅᔪᑦ ᑲᓇᑕᒥ ᐱᕋᔭᒃᑐᑦ ᐃᖅᑲᖅᑐᐃᓕᕆᓂᕐᒧᑦ ᐋᖅᑭᒃᓯᒪᔪᑦ ᑕᐃᒃᑯᓄᖓ ᓄᓇᖃᖅᑲᖅᓯᒪᔪᑦ ᐃᓄᐃᑦ ᑲᓇᑕᒥ. ᑐᕌᒋᔭᕗᑦ ᓴᓇᓗᑕ ᐋᖅᑭᒋᐊᕐᓗᒋᑦ ᐃᑲᔪᖅᑎᒌᓐᓂᕐᒧᑦ ᑐᓴᒐᒃᓴᐅᔪᓂᑦ ᑕᒪᒃᑭᓐᓄᑦ ᐊᒥᓱᐃᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᕋᔭᒃᑐᓄᑦ−ᐃᖅᑲᖅᑐᐃᓕᕆᓂᕐᒧᑦ ᐋᖅᑭᒃᓯᒪᔪᓂᑦ ᐊᒻᒪᓗ ᐊᒥᓲᓗᐊᖅᑐᑦ ᓂᙵᒃᓯᒪᔪᑦ ᓄᓇᖃᖅᑳᖅᓯᒪᔪᓄᑦ ᐃᓄᐃᑦ; ᐱᓗᐊᖅᑐᒍ ᓄᓇᖅᑲᖅᑳᖅᓯᒪᔪᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ.
- Date de modification :